Fundación Moncho Reboiras
para o estudo e a divulgación da realidade social e sindical na Galiza

Pasado e presente da colonialidade e dos pobos sen estado

Novas

Este mércores, 9 de maio, o 'Mestrado Oficial en Políticas Sociais e Intervención sociocomunitaria’ da Universidade da Coruña (UDC) organiza a posta en común "Pasado e presente da colonialidade e dos pobos sen Estado".


Participan deste encontro o sociólogo Ramon Grosfoguel (Porto Rico, 1956), profesor da University of California en Berkeley, impulsor e pertencente ao Grupo Modernidade/Colonialidade , doutor en Socioloxía pola Temple University; e o historiador Uxío-Breogán Diéguez Cequiel (Madrid, 1978), profesor da Universidade da Coruña, presidente do Instituto Galego de Historia e especialista en cuestión nacional, así como doutor pola Universitat de Barcelona.


O acto estará moderado pola profesora da Universidade da Coruña Cathryn Teasley Severino, especialista en Pedagoxía crítica, doutora pola Universidade da Coruña, así como impulsora do encontro. Neste abordarase cal é a situación actual e futura do feito colonial, a nivel internacional, e das nacións sen Estado; así como as posíbeis saídas á realidade de dependencia política, social e cultural destas (pondo o foco, en particular, no ámbito ibérico e latinoamericano) .

 


Volver

2018 · Fundación Moncho Reboiras para o estudo e a divulgación da realidade social e sindical na Galiza

Información legalContacto