Presentación no Día da Patria do libro 50 aniversario do asasinato de Moncho Reboiras

O pasado 25 de Xullo, Día da Patria, as Fundación Moncho Reboiras, Terra e Tempo e Galiza Sempre realizaron unha presentación do libro 50 aniversario do asasinato de Moncho Reboiras (1975-2025) no marco do FESTIGAL, que editaron en homenaxe ao militante nacionalista Xosé Ramón Reboiras Noia.

O espazo que albergou este acto ficou pequeno para a multitude de persoas que se deron cita no acto, no que interviñeron Suso Seixo, presidente da FMR, Elvira Souto, en representación do comité de honra, e Francisco Rodríguez, presidente da Fundación Terra e Tempo.