Fundación Moncho Reboiras
para o estudo e a divulgación da realidade social e sindical na Galiza

  • 50 aniversario do asasinato de Moncho Reboiras - Monumento en Compostela

    Novas

     O 22 de novembro de 2024 as Fundacións Moncho Reboiras, Terra e Tempo e Galiza Sempre constituíron unha Comisión Organizadora para lembrar a figura de Xosé Ramón Reboiras Noia, militante nacionalista da Unión do Pobo Galego asasinado o 12 de agosto de 1975, a mans da policía franquista. A seguir naceu un Comité de Honra, integrado por camaradas de militancia de "Moncho" Reboiras. Este Comité está conformado por Elvira Souto Presedo; Lois Ríos Paredes; Manuel Mera Sánchez; Fernando Souto Ginarte, Xesús Chaves Fandiño, Xosé Luís Méndez Ferrín, Francisco Rodríguez, Xaquín López Facal, Xaquín Méndez Anta, Xosé Moa Cerdeira, Xosé Manuel Pavón, Lois Diéguez Vázquez, Xesús Sanxoás Formoso, Margarida Ledo Andión, Marisa Vázquez Barquero, Alfredo Suárez Canal, Nemesio Barxa, Marisa Canto Reboredo, Xosé Lois Ledo Andión, Sánchez e Marisol García Juárez.

    Unha das iniciativas máis destacadas que se propuxo realizar a devandita Comisión Organizadora, foi a inauguración dun monumento en bronce, na capital galega, en homenaxe a Xosé Ramón Reboiras Noia. O monumento sufrágase a través dunha subscrición popular, que está en marcha desde o 22 de decembro de 2025.  Eis a relación de persoas que teñen realizado achegas, até o momento, en favor do monumento en homenaxe a "Moncho" Reboiras (por orde de realización das doazóns):

     

     

    RUBÉN CELA DÍAZ
    RAMOM LÔPEZ-SUEVOS
    UXÍO-BREOGÁN DIÉGUEZ CEQUIEL
    MANUEL MERA SÁNCHEZ
    XAQUÍN MÉNDEZ ANTA
    DUARTE CORREA PIÑEIRO
    LOIS RÍOS PAREDES
    RICARDO GÓMEZ ÁLVAREZ
    FRANCISCO RODRÍGUEZ SÁNCHEZ
    XOSÉ CARLOS SOLLA LAGO
    LUCÍA VECIÑO SOUTO
    MARÍA PILAR GARCÍA NEGRO
    DANIEL OTERO OTERO
    ANTÓN MÉNDEZ NOVO
    HUGO MARTÍNEZ ANDRADE
    FRANCISCO GARCÍA SUÁREZ
    XESÚS SANXUÁS FORMOSO
    MANUEL CARIDE CORREA
    BELÉN GARCÍA SUÁREZ
    MARTA DACOSTA ALONSO
    XOSÉ LOIS SEIXO FERNÁNDEZ
    MARÍA SOLEDAD AGRA TUÑAS
    IRIA SALVANDE LORENZO
    JULIÁN BRAVO RIVERO
    NEMÉSIO BARXA ÁLVAREZ
    RAMÓN COIRA LUACES
    XESÚS ANDRÉS LÓPEZ PIÑEIRO
    ARANCHA NOGUEIRA FERNÁNDEZ
    ODILO GONZÁLEZ CARNERO
    CARLOS OUTEIRO BAAMONDE
    ANXO LOUZAO RODRÍGUEZ
    SANTIAGO VIGO DOMÍNGUEZ
    LUCÍA CARREIRA PÉREZ
    JULIO LISANDRO CAÑÓN VOIRÍN
    AURORA MAGÁN ESCARIZ
    XOSÉ DÍAZ DÍAZ
    MARTIÑO SANTOS CANOSA
    CARMELO GALDEANO SUÁREZ
    MANUEL MARÍA CARNICERO MÉNDEZ AGUIRRE
    ANTONIO FERNÁNDEZ SALGADO
    DOLORES MUIÑO VILAMARÍA
    XOSÉ RAMÓN BRANCO BUXÁN
    NICOLASA CASTRO MONTEIRO
    MANUEL REI ROMEU
    ÁLVARO FRANCO SILVA
    ALFREDO IRIXOA NEIRA
    MARTÍN ANDRÉS CERNADAS CERNADAS
    XESÚS ELADIO SEIXO FERNÁNDEZ
    MANUEL MUNIZ BESTEIRO
    JULIO PÉREZ PÉREZ
    MANUEL CARREIRA SIMÓN
    XOSÉ ANSEDE ESTRAVIZ
    JOSÉ RAMÓN FERNÁNDEZ VÁZQUEZ
    JESÚS ÁNGEL MORÁN IGLESIAS
    BENIGNO EDUARDO RIVEIRO ARJONES
    MARÍA DEL PILAR RODRÍGUEZ VARELA
    MARÍA ENCARNACIÓN BRIÓN TUBÍO
    IAGO SUÁREZ FERNÁNDEZ
    MIGUEL ÁNGEL RODEIRO CARNEIRO
    XESÚS SÁNCHEZ CEA
    JUAN MANUEL VÁZQUEZ FARIÑAS
    XOSÉ BIEITO ÁLVAREZ LOBARINAS
    XOÁN MANUEL FERNÁNDEZ BELLO
    SANTOS TALEGÓN BARROS
    DAVID RODEIRO PAZOS
    DIEGO PEREIRA PINTO
    MANUEL DOMINGO VELO GANTES
    MARÍA TERESA PARDO SOUSA
    GERARDO SEIJO PEREIRA
    ALBA MARÍA MÍGUEZ GONZÁLEZ
    XOSÉ MANOEL AFONSO NOCEDA
    XOÁN XESÚS GONZÁLEZ FERNÁNDEZ
    ALBERTE MERA GARCÍA
    MARÍA CALVO GORGAL
    ALBERTE ANSEDE ESTRAVIZ
    DANIEL LÓPEZ GARCIA
    XOSÉ LOIS CALVELO ROZAS
    BRAIS FERNÁNDEZ VÁZQUEZ
    SECUNDINO FERNÁNDEZ FERNÁNDEZ
    RUBÉN BOADO VARELA
    MANUEL CARLOS FERNÁNDEZ CUADRADO
    GONZALO ARAUJO LAZARÉ
    FRANCISCO XAVIER CASTELLANOS PUMARES
    ANDRÉS FERNÁNDEZ MARTÍNEZ
    XOSÉ CARLOS SOLLA LAGO
    ANTÓN XOÁN CABEZÓN GÓMEZ
    JOSÉ ANTONIO PENA BEIROA
    ENCARNA OTERO CEPEDA
    XOSÉ CARLOS PAZOS DOCAMPO
    MARÍA OBELLEIRO HERMIDA
    HELENA CARRO CRUZ
    XOSÉ LOIS LEIRÓS GUDE
    ELVIRA CIENFUEGOS LÓPEZ
    FRANCISCO JAVIER RODEIRO PÉREZ
    CIPRIANO LUIS JIMÉNEZ CASAS
    XOSÉ ANTONIO VÁZQUEZ COBAS
    LUÍS EDUARDO FROIZ CASAL
    FRANCISCO LUÍS RODRÍGUEZ GUERREIRO
    JOSÉ ANTONIO SEIJAS MACIAS
    MARÍA ROSA RODRÍGUEZ ARMESTO
    FRANCISCO BLANCO OTERO
    UNIÓN DO POBO GALEGO
    JOSÉ MANUEL DIAS CADAVEIRA
    ANSELMO RODRÍGUEZ IGLESIAS
    RAFAEL ROMERO LÓPEZ GRADO
    CAMILO VÁZQUEZ GARCÍA
    CARLOS FERNANDO BRANCO PARGA
    FRANCISCO LORENZO AUREA
    CÉSAR VARELA GARCÍA
    XOÁN COLAZO PAZO
    XOSÉ MANOEL FERNÁNDEZ LÓPEZ
    JOSÉ MANUEL SOUTO LAMAS
    JAVIER FERNÁNDEZ FRANCISCO
    AMANDA REI CASTRO
    ALFREDO SUÁREZ CANAL
    XOSÉ MARÍA COTELO FREIRE
    JOSÉ ANTONIO GARCÍA CANEDO
    GELASIO VARELA GESTO
    ANXO ANSEDE ESTRAVIZ
    JESÚS MANUEL RODRÍGUEZ BELLO
    ROBERTO VILAMEÁ PONTE
    MARÍA XESÚS MOREIRA FONTÁN
    RAMÓN SANTIAGO BOUZAS GONZÁLEZ
    SANTIAGO ARES BANDE

    [en actualización semanal]

     

    Detalle do boceto confeccionado para a realización do monumento

     

    Actividades celebradas, desde 2025 en diante, en lembranza de Xosé Ramón Reboiras Noia, por iniciativa da Comisión Organizadora do "50 aniversario do asasinato de "Moncho" Reboiras" "

    [a partir das novas que foron publicándose na web da Fundación Moncho Reboiras]

    14 de febreiro.

    As actividades que se realizaron ao longo de 2025, até inicios de 2026, para lembrar ao militante nacionalista Xosé Ramón Reboiras Noia, baixo a iniciativa da devandita Comisión Organizadora "50 aniversario do asasinato de Moncho Reboiras",  teñen sido as seguintes:

     

    10 de xaneiro de 2026. Inauguración en Arzúa dun monólito en homenaxe a Xosé Ramón Reboiras Noia

    Após a inauguración en Lugo, o 27 de decembro de 2025, dun busto en homenaxe a Xosé Ramón Reboiras Noia, procedeuse á inauguración no concello de Arzúa dun monólito en lembranza de "Moncho" Reboiras. Ao igual que no caso de Lugo, a iniciativa do acto de Arzúa partiu da Comisión 50 aniversario do asasinato de "Moncho" Reboiras, materializándose grazas á destacada presenza do BNG en ambos gobernos municipais, que fixeron súa a iniciativa de poñer en valor a unha figura clave na articulación do nacionalismo galego entre finais da década dos 60 e a primeira metade da década dos 70 do pasado século, referencia indiscutíbel, aliás, na loita contra a ditadura franquista e o recoñecemento de Galiza como nación.

    O sábado 10 de xaneiro, por volta das 10:30h, na Prazoleta (Rúa das Dores), interviron Xoán Xesús Carril, alcalde de Arzúa; Suso Seixo, presidente da Fundación Moncho Reboiras e representante da comisión organizadora do acto, así como Andrea Birsanu e Dani Moscoso.

     

     

     

     
     

     27 de decembro de 2025. Inauguración en Lugo dun busto en homenaxe a X.R. Reboiras Noia

     O sábado 27 de decembro, por volta das 11:30h, o Concello de Lugo inaugurou un busto en homenaxe ao militante nacionalista Xosé Ramón Reboiras Noia, por iniciativa das Fundacións Moncho Reboiras, Terra e Tempo e Galiza Sempre.

    O busto foi inaugurado na rúa Soto Freire, ao carón da entrada do Centro Socio-Cultural do Vello Cárcere (nas cercanías da Estación de Autobuses).

    Esta iniciativa sumouse a todas as actividades que se impulsaron desde inicios de 2025 en lembranza de "Moncho" Reboiras, no 50 aniversario do seu asasinato, cando apenas contaba con 25 anos. Asasinato producido en Ferrol o 12 de Agosto de 1975, a mans da policía franquista, pola intensa militancia de Reboiras en favor da vertebración do nacionalismo galego e da democracia fronte á ditadura fascista. Loita que o levou a ser recoñecido polo Consello de Ministros, no ano 2009, como "vítima do franquismo".
    Ao acto asistiron responsábeis das Fundacións Moncho Reboiras, Terra e Tempo e Galiza Sempre, así como, entre outras autoridades municipais, Rubén Arroxo, Tenente de Alcalde do Concello de Lugo.

     

       

     

    2 de decembro de 2025. Inauguración en Vigo da exposición-homenaxe a X.R. Reboiras Noia

    O martes 2 de decembro inaugurouse en Vigo, no espazo cultural "RíoLagares", a exposición en homenaxe á figura do militante nacionalista Xosé Ramón Reboiras Noia, intitulada "Semente de Vencer". O acto contou coa presenza de Suso Seixo, presidente da Fundación Moncho Reboiras, e a comisaria da mostra, Vanesa Casal, así como cos históricos activistas sindicais e políticos Xesús Chaves e Xesús Sanxoás.

    No acto, Xesús Sanxoás repasou a participación de X.R. Reboiras no nacionalismo galego e a súa pegada na construción do sindicalismo nacionalista; e Xesús Chaves lembrou as loitas da clase traballadora en Vigo por volta de 1972 e a presenza de Reboiras nas mesmas; mentres que Xesús Seixo puxo en valor a valentía de Reboiras no final da ditadura franquista. Aliás, a comisaria da exposición, Vanesa Iglesias, realizou unha visita guiada pola mostra, explicando a significación de cada peza artística.

    A mostra foi iniciativa da comisión en homenaxe a Reboiras, diante do 50 aniversario do seu asasinato, integrada polas Fundacións Moncho Reboiras, Terra e Tempo e Galiza Sempre. A exposición estará no espazo cultural "RíoLagares" (Rúa da Falperra, 16 Baixo) até o próximo 12 de decembro.

     

     

     

     

     16 de outubro. Visita guiada na Coruña á mostra "Semente de Vencer" e mesa redonda sobre X.R. Reboiras Noia

     O 16 de outubro realizouse na Casa-Museo Casares Quiroga unha visita guiada pola Mostra de Arte "Semente de Venres", impulsada pola Comisión Organizadora 50 aniversario do asasinato de Moncho Reboiras, conformada polas Fundación Moncho Reboiras, Terra e Tempo e Galiza Sempre. A visita realizouna a comisaria da mostra, Vanesa Casal. A seguir realizouse unha mesa redonda sobre a figura de Xosé Ramón Reboiras Noia, coa presenza do escritor Lois Diéguez, do representante da devandita comisión Suso Seixo e do profesor da Universidade da Coruña Uxío-Breogán Diéguez.

     

     

     
     

    2 de outubro de 2025. Inauguración na Coruña da Mostra de Arte "Semente de Vencer", en homenaxe a X.R. Reboiras Noia.

    O xoves 2 de outubro procedeuse á inauguración na Coruña, na Casa-Museo Casares Quiroga, da Mostra de Arte "Semente de Vencer", en homenaxe á figura do militante nacionalista Xosé Ramón Reboiras Noia. O acto principiou ás 19h no devandito espazo, por iniciativa das Fundacións Moncho Reboiras, Terra e Tempo e Galiza Sempre, coa colaboración da concellaría de Cultura do Concello da Coruña, cuxo titular, Gonzalo Castro, intervíu no acto.

    A mostra, intitulada "Semente de Vencer", estivo comisariada por Vanesa Iglesias, exhibíndose pezas artísticas de Leandro Lamas, Laura Caneira, Ortigha, Cavalinho do Demo (Paula Pereira), Alejandro Mosquera, Ana de Vilatuxe, Pampillo Store (Theresa Lousame), Iago Fernández Díaz, Juanlu Nacha, Leandro Lamas, Celia Arcos, The Pink Phink, Xiralúa, Revolta Creativa (Breo Alamancos) eEstudo Aldea. A mostra puidose visitar na Casa-Museo Casares Quiroga até o 31 de outubro.

    As devanditas pezas artísticas están reproducidas no libro 50 aniversario do asasinato de Moncho Reboiras (1959-1975), que se repartiu gratuitamente no marco da inauguración da mostra. Un libro no que se presenta unha biografía de X.R. Reboiras Noia, autoría do historiador e profesor universitario Uxío-Breogán Diéguez, así como os testemuños de dezanove persoas que compartiron militancia con "Moncho" Reboiras, entre as que se atopan Xosé Manuel Pavón, Elvira Souto, Lois Ríos, Manuel Mera, Xosé Luís Méndez Ferrín e Xesús Chaves.

     

     

     
     
     

    12 de agosto de 2025. Acto de homenaxe en Imo (Dodro) a Xosé Ramón Reboiras Noia

    As Fundacións Moncho Reboiras, Terra e Tempo e Galiza Sempre organizaron un acto de homenaxe a "Moncho" Reboiras no cemiterio de Imo. Acto de ámbito nacional realizado con motivo do 50 aniversario do asasinato do militante nacionalista en Ferrol, a mans da policía franquista. Desde a Comisión Organizadora "50 aniversario do asasinato de Moncho Reboiras" convocouse ao conxunto da cidadanía galega, e particularmente a toda a militancia soberanista do país.

    O acto principiou ás 12h, reinaugurandose o mural dedicado a Reboiras ao carón do cemiterio de Imo; procedéndose a realizar ás 12:15h unha ofrenda floral en lembranza de Xosé Ramón Reboiras, na que participaron os responsábeis das tres Fundacións, Francisco Rodríguez, Suso Seixo e Rubén Cela, así como o Secretario Xeral da CIG, Paulo Carril, así como representantes de outras organizacións soberanistas e máis de medio milleiro de persoas, que portaban caraveis vermellos. Para pechar o acto deuse paso ás intervencións de Suso Seixo, Lois Ríos e Marisa Vázquez e á actuación musical do cantautor Mini e da cantautora Sés.

     

     
     

    25 de xullo de 2025. Presentación no Día da Patria do libro 50 aniversario do asasinato de Moncho Reboiras.

    O 25 de Xullo de 2025, Día da Patria Galega, as Fundación Moncho Reboiras, Terra e Tempo e Galiza Sempre realizaron unha presentación do libro 50 aniversario do asasinato de Moncho Reboiras (1975-2025) no marco do FESTIGAL, que editaron en homenaxe ao militante nacionalista Xosé Ramón Reboiras Noia.

    O espazo que albergou este acto ficou pequeno para a multitude de persoas que se deron cita no acto, no que interviñeron Suso Seixo, presidente da FMR, Elvira Souto, en representación do comité de honra, e Francisco Rodríguez, presidente da Fundación Terra e Tempo.

     

     

     

     
     

    4 de xullo de 2025. Presentación en Pontevedra do libro-homenaxe 50 aniversario do asasinato de Moncho Reboiras (1975-2025). 

    Despois da presentación do libro-homenaxe en lembranza de Xosé Ramón Reboiras Noia en Compostela, A Coruña, Ferrol e Vigo, presentouse en Pontevedra o volume colectivo 50 aniversario do asasinato de Moncho Reboiras (1975-2025). O acto celebrase o 4 de xullo ás 20h no C.S. A Pedreira, coa presenza de Xesús Chaves, Xesús Seixo e Xosé Moa.

     

     

     

    25 de xuño de 2025. Presentación en Ferrol do libro en homenaxe a Xosé Ramón Reboiras Noia 50 aniversario do asasinato de Moncho Reboiras (1975-2025). 

     

    O 25 de xuño ás 19:30h presentouse en Ferrol, no centro do antigo Hospicio, o libro 50 aniversario do asasinato de Moncho Reboiras (1975-2025). .   O acto, promovido pola Comisión Organizadora "50 aniversario do asasinato de Moncho Reboiras" -integrada polas Fundacións Moncho Reboiras, Terra e Tempo e Galiza Sempre-, contou coa presenza de Francisco Rodríguez, presidente da Fundación Terra e Tempo, así como noutrora parlamentario do BNG, e Elvira Souto, militante histórica do nacionalismo e primeira secretaria xeral da UPG. Ao acto asistiron multitude de militantes nacionalistas da bisbarra de Ferrolterra. 

     

      

     

     

     

    5 de xuño de 2025. Presentación na Coruña do libro en homenaxe a Xosé Ramón Reboiras Noia 50 aniversario do asasinato de Moncho Reboiras (1975-2025). 

    O xoves 5 de xuño ás 19:30h de maio presentouse no Centro Cultural Ágora da Coruña o libro 50 aniversario do asasinato de Moncho Reboiras (1975-2025).  Contou coa presenza de Manuel Mera e Marisol García Juárez, membros do Comité de Honra, e de Suso Seixo, presidente da Fundación Moncho Reboiras.

    O volume que se presentou conta, na capa, cunha ilustración de Leandro Lamas, e presenta unha biografía de Xosé Ramón Reboiras, autoría do historiador e profesor da Universidade da Coruña Uxío-Breogán Diéguez, seguida de dezanove textos en lembranza do militante nacionalista da man de compañeiros e compañeiras de activismo político, integrantes do Comité de Honra. O libro tamén conta coa reprodución de catorce pezas artísticas da man de creadores e creadores que homenaxean así o figura de Reboiras Noia. Artistas que deron lugar á mostra "Semente de Vencer", comisariada por Vanesa Casal, ao chamado da Comisión Organizadora "50 aniversario do asasinato de Moncho Reboiras", comisión conformada polas Fundación Moncho Reboiras, Terra e Tempo e Galiza Sempre. 

    O acto de presentación realizarouse no Centro Cultural Ágora, na Agra do Orzán, por iniciativa da Asociación de Veciños/as da Agra do Orzán e das devanditas Fundacións, coa colaboración do Concello da Coruña. 

     

     

     
     

    22 de maio de 2025. Presentación en Compostela libro en homenaxe a Xosé Ramón Reboiras Noia 50 aniversario do asasinato de Moncho Reboiras (1975-2025). 

      

    O xoves 22 de maio presentouse o libro 50 aniversario do asasinato de Moncho Reboiras (1975-2025). O volume, que conta na capa cunha ilustración de Leandro Lamas, presenta unha biografía de Xosé Ramón Reboiras, autoría do historiador e profesor da Universidade da Coruña Uxío-Breogán Diéguez, seguida de dezanove textos en lembranza do militante nacionalista da man de compañeiros e compañeiras de activismo político. O libro tamén conta coa reprodución de catorce pezas artísticas da man de creadores e creadores que homenaxean así o figura de Reboiras Noia, ao chamado da comisión organizadora do devandito 50 aniversario, conformada polas Fundación Moncho Reboiras, Terra e Tempo e Galiza Sempre.

    O acto de presentación realizouse no Auditorio do Museo do Pobo Galego a partir das 19h e contou coa presenza dos presidentes das tres Fundacións que conforman o devandito comité organizador, Suso Seixo, Francisco Rodríguez e Rubén Cela, que asinan o prólogo do devandito libro, así como polas e polos integrantes da comisión de honra, integrada por compañeiras e compañeiros de militancia de "Moncho" Reboiras. 

    Este acto realizouse após a inauguración da mostra, comisariada por Vanesa Iglesias, na que se exhiben as pezas artísticas que se amosan no libro 50 aniversario do asasinato de Moncho Reboiras (1975-2025), da man de pezas creadas por Leandro Lamas, Laura Caneira, Ortigha, Cavalinho do Demo (Paula Pereira), Alejandro Mosquera, Ana de Vilatuxe, Pampillo Store (Theresa Lousame), Iago Fernández Díaz, Juanlu Nacha, Leandro Lamas, Celia Arcos, The Pink Phink, Xiralúa, Revolta Creativa (Breo Alamancos) eEstudo Aldea. A mostra puídose visitar até o 30 de maio (en horario de mañá e de tarde) no Centro Socio Cultural Maruxa e Coralia, ubicado no nº4 da Praza de Salvador Parga da capital galega.

     

     

     
    24 de novembro de 2024. Constitución da Comisión Organizadora e do Comité de Honra do 50 aniversario do asasinato de "Moncho" Reboiras

     

    O 24 de novembro de 2024 a Fundación Moncho Reboiras, a Fundación Terra e Tempo e a Fundación Galiza Sempre anunciaron a creación dunha comisión organizadora de diversas iniciativas en lembranza de Xosé Ramón, "Moncho", Reboiras Noia, con motivo do 50 aniversario do seu asasinato , de cara ao ano 2025.

    Elvira Souto e Suso Seixo, portavoces da iniciativa, deron conta en rolda de prensa das actividades a promover ao longo do ano 2025, para lembrar e poñer en valor a figura de "Moncho" Reboiras, militante nacionalista da UPG, clave para comprender a evolución político-organizativa do nacionalismo galego entre 1969 e 1975.

    Reboiras foi crucial na conformación da "Fronte Cultural", que nacería xa por volta de 1973, así como da "Fronte Sindical" e da "Fronte Política", que darían lugar en 1975 ao Sindicato Obreiro Galego (SOG) e á Asemblea Nacional-Popular Galega (AN-PG), respectivamente.

    Segundo se indicou na rolda de prensa, entre as distintas iniciativas que se levarán a cabo por parte da Comisión Organizadora "Moncho Reboiras-50 aniversario do seu asasinato 1975-2025", realizarase unha escultura e un mural conmemorativo, así como a edición dun libro e o desenvolvemento dun acto en Imo (Dodro), convocado polas devanditas tres Fundacións, o 12 de agosto de 2025.

    Na rolda de prensa estiveron presentes parte das e dos integrantes do Comité de Honra que se vén de crear, no marco desta iniciativa, con compañeiros e compañeiras de militancia de Moncho Reboiras. Do comité forman parte Elvira Souto Presedo, que actuará de portavoz; Lois Ríos Paredes; Manuel Mera Sánchez; Fernando Souto Ginarte, Xesús Chaves Fandiño, Xosé Luís Méndez Ferrín, Francisco Rodríguez, Xaquín López Facal, Xaquín Méndez Anta, Xosé Moa Cerdeira, Xosé Manuel Pavón, Lois Diéguez Vázquez, Xesús Sanxoás Formoso, Margarida Ledo Andión, Francisco Lores Santacecilia, Marisa Vázquez Barquero, Alfredo Suárez Canal, Nemesio Barxa, Marisa Canto Reboredo, Xosé Lois Ledo Andión,  Sánchez e Marisol García Juárez.

    Suso Seixo, presidente da Fundación Moncho Reboiras, e coportavoz da iniciativa, indicou que o Comité de Honra está aberto a novas incorporacións de persoas que compartiron militancia política con Reboiras.

     

    Ler máis...

  • Inauguración en Arzúa dun monólito en homenaxe a X.R. Reboiras Noia

    Novas

    Após a inauguración en Lugo, o pasado 27 de decembro, dun busto en homenaxe a Xosé Ramón Reboiras Noia, procederase á inauguración no concello de Arzúa dun monólito en lembranza de "Moncho" Reboiras. Ao igual que no caso de Lugo, a iniciativa do acto de Arzúa partiu da Comisión 50 aniversario do asasinato de "Moncho" Reboiras, materializándose grazas á destacada presenza do BNG en ambos gobernos municipais, que fixeron súa a iniciativa de poñer en valor a unha figura clave na articulación do nacionalismo galego entre finais da década dos 60 e a primeira metade da década dos 70 do pasado século, referencia indiscutíbel, aliás, na loita contra a ditadura franquista e o recoñecimento de Galiza como nación.

    No concello de Arzúa procederase á inauguración do monólito en homenaxe de X.R. Reboiras Noia o vindeiro sábado, 10 de xaneiro, por volta das 10:30h na Prazoleta (Rúa das Dores). Intervirán Xoán Xesús Carril, alcalde de Arzúa, Suso Seixo, presidente da Fundación Moncho Reboiras e representante da comisión organizadora do acto, así como Andreea Birsanu e Dani Moscoso.  

    Momento final da inauguración do busto en homenaxe a X.R. Reboiras Noia no Concello de Lugo. 

    Ler máis...

  • Inauguración en Lugo dun busto en homenaxe a X.R. Reboiras Noia

    Novas

    Este sábado 27 de decembro, por volta das 11:30h, o Concello de Lugo inaugurará un busto en homenaxe ao militante nacionalista Xosé Ramón Reboiras Noia, por iniciativa das Fundacións Moncho Reboiras, Terra e Tempo e Galiza Sempre.
     
    O busto será inaugurado na rúa Soto Freire, ao carón da entrada do Centro Socio-Cultural do Vello Cárcere (nas cercanías da Estación de Autobuses).
     
    Esta iniciativa súmase a todas as actividades que se impulsaron ao longo do presente ano, en lembranza de "Moncho" Reboiras, no 50 aniversario do seu asasinato, cando apenas contaba con 25 anos. Asasinato producido en Ferrol o 12 de Agosto de 1975, a mans da policía franquista, pola intensa militancia de Reboiras en favor da vertebración do nacionalismo galego e da democracia fronte á ditadura fascista. Loita que o levou a ser recoñecido polo Consello de Ministros, no ano 2009, como "vítima do franquismo".
    Ao acto asistirán responsábeis das Fundacións Moncho Reboiras, Terra e Tempo e Galiza Sempre, así como, entre outras autoridades municipais, Rubén Arroxo, Tenente de Alcalde do Concello de Lugo. 
     
    Desde as Fundación Moncho Reboiras, Terra e Tempo e Galiza Sempre facemos un chamado á cidadanía galega no seu conxunto, e particularmente á militancia nacionalista e antifascista galega, á que acudan a este acto en homenaxe a "Moncho" Reboiras.
     

    Ler máis...

  • Principia a campaña para dar lugar a unha escultura de bronce en lembranza de X.R. Reboiras na capital galega

    Novas

    Ao longo deste ano 2025 lembramos o 50 aniversario do asasinato de Moncho Reboiras a mans da policía franquista o 12 de agosto en Ferrol, con tres disparos polas costas.

    A Fundación Moncho Reboiras, a Fundación Galiza Sempre e a Fundación Terra e Tempo unímonos para desenvolver un programa de actividades consistente na edición de diversas publicacións informativas, organización de exposicións e charlas para dar a coñecer as aportacións en múltiples frontes deste militante nacionalista; no impulso da autoorganización dos e das traballadoras; no campo político; na organización do estudantado, no desenvolvemento dun amplo movemento cultural, sempre tendo a Galiza como motor da súa actividade.

    As tres fundacións, conxuntamente cun Comité de Honra formado por vinte camaradas de Reboiras que compartiron militancia política e social fronte á ditadura franquista, tamén promoven -a maiores do recoñecemento social- un recoñecemento institucional. Unha das iniciativas máis ambiciosas neste plano é erguer na capital da Galiza unha escultura de bronce, obra da recoñecida escultora Cuqui Piñeiro, que o honre e o lembre como loitador nacionalista e demócrata. Para sufragar esta iniciativa por medio do apoio popular queremos solicitar a túa colaboración.

    A tal fin temos dispoñíbel un numero de conta en Abanca: ES72 2080 0348 3230 4003 7892 a nome da Fundación Moncho Reboiras para que does (*) a cantidade que estimes oportuna. Tamén, como alternativa, podes optar por recibir unha pequena compensación pola túa doazón:

    – Se fas unha doazón de 20 euros, enviaremos ao enderezo que nos facilites o libro “50 aniversario de Moncho Reboiras 1975-2025” de 110 páxinas.

    – Se fas unha doazón de 50 euros, a maiores do libro, tamén recibirás o cómic de Tokio “A campá do Rianxo” de 32 páxinas e o caderno “Xosé Ramón Reboiras Noia (1950-1975). Militancia sen tregua por unha Galiza liberada” de 54 páxinas.

    – Se fas unha doazón de 125 euros, a maiores das publicacións anteriores, recibirás tamén os libros "O nacionalismo galego na década de 1970" e "Reflexións arredor da Galiza".

    – Se fas unha doazón de 250 euros, a maiores das publicacións anteriores, recibirás tamén os libros “Nunca Máis. 20 anos da maior resposta social do pobo galego” e “Castelao, deputado nacionalista. Intervencións nas Cortes españolas (1931-1933)”.

    Só tes que facer a transferencia bancaria indicando no concepto “Doazón monumento Moncho Reboiras” e sinalando o teu nome e apelidos. Posteriormente, remitir un correo electrónico, anexando copia da transferencia, ao correo electrónico 50aniversario@fundacionmonchoreboiras.gal indicando o teu nome e apelidos, NIF, enderezo postal e móbil e se desexas recibir ou non unha das compensacións.

    A relación completa de doantes para o monumento, figurará nun código ao pé do monumento que se visualizará na páxina web da Fundación Moncho Reboiras.

    Só nos resta agradecer o teu apoio, sexa cal for, cunha iniciativa que busca recoñecer a Reboiras mais non só, tamén a toda a xeración de loitadoras e loitadores que na década dos sesenta e dos setenta do século pasado fixeron un esforzo titánico para rematar coa ditadura franquista e ao tempo darlle corpo organizativo ao movemento nacionalista galego.

    Ficamos ao teu dispor para esclarecer calquera dúbida.

     

    Fundación Moncho Reboiras. Suso Seixo (Presidente)

    Fundación Galiza Sempre. Rubén Cela (Presidente)

    Fundación Terra e Tempo. Francisco Rodríguez (Presidente)

     

    (*) A doazón, de facela antes do 30 de decembro de 2025, terá a correspondente dedución na Declaración do IRPF (Imposto da Renda das Persoas Físicas) do ano 2025 segundo a Lei 49/2002 do 23 de decembro, do réxime fiscal das entidades sen fins de lucro e dos incentivos fiscais ao mecenado. De facerse a inicios de 2026, igualmente terá a correspondente dedución na declaración de IRPF do devandito exercicio.

    Ler máis...

  • Dispoñíbel na web o nº8 de Enxergar. Revista de Pensamento e Análise

    Publicacións

    Editorial

    Publicamos este oitavo número da revista Enxergar coincidindo co inicio do ano 2025, no que se rende homenaxe a dúas figuras moi relevantes na historia do nacionalismo galego, e por extensión dúas figuras importantes na historia da Galiza contemporánea. Estámonos a referir á conmemoración do 75 aniversario do falecemento do patriota galego e destacado
    cadro do Partido Galeguista, Alfonso Daniel Rodríguez Castelao, e o 50 aniversario do asasinato do patriota galego e dirixente da Unión do Pobo Galego, Xosé Ramón Reboiras Noia.

    Daniel Rodríguez Castelao, representou o traballo, a entrega militante e xenerosa de dúas xeracións de galegos e galegas que, desde inicios do século XX, sentaron as bases do nacemento do nacionalista galego. Organizacións como as Irmandades da Fala, as sucesivas Asembleas Nacionalistas, o Seminario de Estudos Galegos, e a posterior creación do
    Partido Galeguista, representaron chanzos fundamentais na conformación do nacionalismo galego até a actualidade. En todo ese proceso, na primeira metade do s.XX, tivo unha participación destacada Castelao, tanto na súa faceta artística como no seu activismo político-organizativo, destacando en ambos casos o seu compromiso político, converténdose xunto con Alexandre Bóveda nos dous grandes referentes do nacionalismo desa época.
    Castelao xogou un papel destacado na defensa dos intereses de Galiza durante a II República, especialmente na defensa do Estatuto de Autonomía desde o PG, fronte ao fascismo diante do golpe militar do 36 e posteriormente no exilio, sendo fundamentais as súas xestións, xunto a Antón Alonso Rios, Ramón Suárez Picallo e Elpidio Villaverde, para a constitución do Consello de Galiza, o 15 de novembro de 1944 en Montevideo, goberno galego no exilio do cal el foi proclamado presidente. Foi fundamental tamén o seu labor na posterior aprobación do Estatuto de Autonomía de Galiza, por parte das Cortes republicanas españolas no exilio, reunidas en México, en novembro de 1945. Así, pois, Castelao simboliza tamén a tradición galeguista de loita pola liberación nacional de Galiza e pola emancipación
    socio-económica do pobo galego. Non podemos permitir que a dereita galega, da man do PP, manipulen e terxiversen o seu ideario e os obxectivos políticos polos que loitou, como así o están a intentar desde a década dos anos 80 e, especialmente, semella que no presente ano.

    Doutra banda, Moncho Reboiras, a pesar da súa curta vida, foi igualmente un destacado cadro do nacionalismo galego, neste caso na década dos 70. Asasinado pola policía franquista no ano 1975, cando contaba con tan só 25 anos, exemplifica esa mocidade galega que no tardofranquismo, cunha forte convicción ideolóxica e unha militancia intensa, enfrontouse á represión da ditadura arriscando a súa vida, collendo así o relevo da xeración de Castelao e da seguinte, na defensa dos dereitos da nación galega, entre eles e como principal dereito o de autodeterminación. Para isto promoveron a autoorganización do pobo galego a todos os niveis (cultural, labrego, obreiro, estudantil, ecolóxico, político,…), creando así toda unha estrutura organizativa e unha base programática e reivindicativa, no marco da teorización das loitas de liberación nacional do Terceiro Mundo, que foron fundamentais para a toma de conciencia
    nacional de amplos sectores da sociedade galega (...),

    Ler máis...

  • Inauguración en Vigo da exposición-homenaxe a X.R. Reboiras Noia

    Novas

    Este martes, 2 de decembro, inaugurouse no espazo cultural "RíoLagares" a exposición en homenaxe á figura do militante nacionalista Xosé Ramón Reboiras Noia. O acto contou coa presenza de Suso Seixo, presidente da Fundación Moncho Reboiras, e a comisaria da mostra, Vanesa Casal, así como cos históricos activistas sindicais e políticos Xesús Chaves e Xesús Sanxoás. 

    No acto, Xesús Sanxoás repasou a participación de X.R. Reboiras no nacionalismo galego e a súa pegada na construción do sindicalismo nacionalista; e Xesús Chaves lembrou as loitas da clase traballadora en Vigo por volta de 1972 e a presenza de Reboiras nas mesmas; mentres que Xesús Seixo puxo en valor a valentía de Reboiras no final da ditadura franquista. Aliás, a comisaria da exposición, Vanesa Iglesias, realizou unha visita guiada pola mostra, explicando a significación de cada peza artística.

    A mostra é iniciativa da comisión en homenaxe a Reboiras, diante do 50 aniversario do seu asasinato, integrada polas Fundacións Moncho Reboiras, Terra e Tempo e Galiza Sempre. A exposición estará no espazo cultural "RíoLagares"  (Rúa da Falperra, 16 Baixo) até o próximo 12 de decembro.

     

    Ler máis...

  • Inauguración na Coruña da exposición-homenaxe a X.R. Reboiras Noia

    Novas

    O vindeiro xoves 2 de outubro, na Casa-Museo Casares Quiroga da Coruña, procederase á inauguración da exposición en homenaxe á figura do militante nacionalista Xosé Ramón Reboiras Noia. O acto principiará ás 19h no devandito espazo, por iniciativa das Fundacións Moncho Reboiras, Terra e Tempo e Galiza Sempre, coa colaboración da concellaría de Cultura do Concello da Coruña.

    A mostra está comisariada por Vanesa Iglesias, exhibíndose pezas artísticas de Leandro Lamas, Laura Caneira, Ortigha, Cavalinho do Demo (Paula Pereira), Alejandro Mosquera, Ana de Vilatuxe, Pampillo Store (Theresa Lousame), Iago Fernández Díaz, Juanlu Nacha, Leandro Lamas, Celia Arcos, The Pink Phink, Xiralúa, Revolta Creativa (Breo Alamancos) eEstudo Aldea. A mostra poderase visitar na Casa-Museo Casares Quiroga até o 31 de outubro.

    As devanditas pezas artísticas están reproducidas no libro 50 aniversario do asasinato de Moncho Reboiras (1959-1975), que se vai repartir gratuitamente no marco da inauguración da mostra. Un libro no que se presenta unha biografía de X.R. Reboiras Noia, autoría do historiador e profesor universitario Uxío-Breogán Diéguez, así como os testemuños de dezanove persoas que compartiron militancia con Reboiras, entre as que se atopan Xosé Manuel Pavón, Elvira Souto, Lois Ríos, Manuel Mera, Xosé Luís Méndez Ferrín e Xesús Chaves.  

     

     

    Ler máis...

  • Éxito do acto celebrado o 12 de agosto en Imo en lembranza de X.R. Reboiras Noia

    Novas

    As Fundacións Moncho Reboiras, Terra e Tempo e Galiza Sempre calificaron de éxito o acto nacional que se celebrou o pasado 12 de agosto, en lembranza e homenaxe á figura do militante nacionalista Xosé Ramón Reboiras Noia. Acto que se organizou coincidindo co 50 aniversario do asasinato en Ferrol de Moncho Reboiras, da man das tres Fundacións, que convocaron ao conxunto da cidadanía galega, e particularmente a toda a militancia soberanista do país.

    O acto principiou ás 12h, reinaugurandose o mural dedicado a Reboiras ao carón do cemiterio de Imo; procedéndose a realizar ás 12:15h unha ofrenda floral en lembranza de Xosé Ramón Reboiras, na que participaron os responsábeis das tres Fundacións, Francisco Rodríguez, Suso Seixo e Rubén Cela, así como o Secretario Xeral da CIG, Paulo Carril, así como representantes de outras organizacións soberanistas e máis de medio milleiro de persoas, que portaban caraveis vermellos. Para pechar o acto deuse paso ás intervencións de Suso Seixo, Lois Ríos e Marisa Vázquez e á actuación musical do cantautor Mini e da cantautora Sés.

    Ler máis...

  • Acto nacional en Imo o 12 de agosto

    Novas

    As Fundacións Moncho Reboiras, Terra e Tempo e Galiza Sempre convocan un acto nacional o vindeiro 12 de agosto, en lembranza e homenaxe á figura do militante nacionalista Xosé Ramón Reboiras Noia. Coincidindo co 50 aniversario do asasinato en Ferrol de Moncho Reboiras, as tres Fundación convocan á cidadanía galega, e particularmente a toda a militancia soberanista do país, a asistir a este acto unitario.

     

    O acto comezará ás 12h, momento no que se reinaugurará o mural dedicado a Reboiras ao carón do cemiterio de Imo. Ás 12:15h procederase a realizar á ofrenda floral a Xosé Ramón Reboiras, dando paso ás intervencións de Suso Seixo, Lois Ríos e Marisa Vázquez e á actuación musical do cantautor Mini e da cantautora Sés.

     

     

    Ler máis...

  • Presentación no Día da Patria do libro 50 aniversario do asasinato de Moncho Reboiras

    Novas

    O pasado 25 de Xullo, Día da Patria, as Fundación Moncho Reboiras, Terra e Tempo e Galiza Sempre realizaron unha presentación do libro 50 aniversario do asasinato de Moncho Reboiras (1975-2025) no marco do FESTIGAL, que editaron en homenaxe ao militante nacionalista Xosé Ramón Reboiras Noia.

    O espazo que albergou este acto ficou pequeno para a multitude de persoas que se deron cita no acto, no que interviñeron Suso Seixo, presidente da FMR, Elvira Souto, en representación do comité de honra, e Francisco Rodríguez, presidente da Fundación Terra e Tempo. 

    Ler máis...

  • Presentación en Pontevedra do libro-homenaxe a Moncho Reboiras

    Novas

    Despois da presentación do libro-homenaxe en lembranza de Xosé Ramón Reboiras Noia en Compostela, A Coruña, Ferrol e Vigo, presentarase este volume colectivo en Pontevedra. O acto celebrase o 4 de xullo ás 20h no C.S. A Pedreira, coa presenza de Xesús Chaves, Xesús Seixo e Xosé Moa.

      

    Na imaxe Francisco Rodríguez e Elvira Souto na presentación do libro en Ferrol.

     

    Vista panorámica do público que asistiu á presentación do libro en Ferrol.

     

    Ler máis...

  • Presentación na Coruña do libro en homenaxe a Xosé Ramón Reboiras Noia

    Novas

    O xoves 5 de xuño ás 19:30h de maio presentarase na Coruña o libro Moncho Reboiras. Símbolo da Galiza que loita (1950-1975). O volume, que conta na capa cunha ilustración de Leandro Lamas, presenta unha biografía de Xosé Ramón Reboiras, autoría do historiador e profesor da Universidade da Coruña Uxío-Breogán Diéguez, seguida de dezanove textos en lembranza do militante nacionalista da man de compañeiros e compañeiras de activismo político, integrantes do comité de honra. O libro tamén conta coa reprodución de catorce pezas artísticas da man de creadores e creadores que homenaxean así o figura de Reboiras Noia, ao chamado da comisión organizadora do devandito 50 aniversario, conformada polas Fundación Moncho Reboiras, Terra e Tempo e Galiza Sempre.

    O acto de presentación realizarase no Centro Ágora, por iniciativa da Asociación de Veciños/as da Agra do Orzán e das Fundacións Moncho Reboiras, Galiza Sempre e Terra e Tempo, e contará coa presenza de Manuel Mera e Marisol García Juárez, membros da comisión de honra, e de Suso Seixo, presidente da Fundación Moncho Reboiras.

    Ler máis...

  • Presentación en Compostela libro en homenaxe a Xosé Ramón Reboiras Noia

    Novas

    O xoves 22 de maio presentarase o libro Moncho Reboiras. Símbolo da Galiza que loita (1950-1975). O volume, que conta na capa cunha ilustración de Leandro Lamas, presenta unha biografía de Xosé Ramón Reboiras, autoría do historiador e profesor da Universidade da Coruña Uxío-Breogán Diéguez, seguida de dezanove textos en lembranza do militante nacionalista da man de compañeiros e compañeiras de activismo político. O libro tamén conta coa reprodución de catorce pezas artísticas da man de creadores e creadores que homenaxean así o figura de Reboiras Noia, ao chamado da comisión organizadora do devandito 50 aniversario, conformada polas Fundación Moncho Reboiras, Terra e Tempo e Galiza Sempre.

    O acto de presentación realizarase no Auditorio do Museo do Pobo Galego a partir das 19h e contará coa presenza dos presidentes das tres Fundacións que conforman o devandito comité organizador, Suso Seixo, Francisco Rodríguez e Rubén Cela, que asinan o prólogo do libro, así como polas e polos integrantes da comisión de honra, integrada por compañeiras e compañeiros de militancia de Moncho Reboiras. O acceso ao acto é libre para todo o público que queira achegarse ao mesmo, até completarse o aforo.

    Este acto realízase após a inauguración da mostra, comisariada por Vanesa Iglesias, na que se exhiben as pezas artísticas que se amosan no libro Moncho Reboiras. Símbolo da Galiza que loita (1950-1975), da man de pezas creadas por Leandro Lamas, Laura Caneira, Ortigha, Cavalinho do Demo (Paula Pereira), Alejandro Mosquera, Ana de Vilatuxe, Pampillo Store (Theresa Lousame), Iago Fernández Díaz, Juanlu Nacha, Leandro Lamas, Celia Arcos, The Pink Phink, Xiralúa, Revolta Creativa (Breo Alamancos) eEstudo Aldea. A mostra aínda se pode visitar até o 30 de maio (en horario de mañá e de tarde) no Centro Socio Cultural Maruxa e Coralia ubicado no nº4 da Praza de Salvador Parga da capital galega.

    Ler máis...

  • Xosé Ramón, "Moncho", Reboiras - 50 aniversario do seu asasinato (1975-2025)

    Novas

    A Fundación Moncho Reboiras, a Fundación Terra e Tempo e a Fundación Galiza Sempre veñen de anunciar a creación dunha comisión organizadora de diversas iniciativas en lembranza de Xosé Ramón, "Moncho", Reboiras Noia, con motivo do 50 aniversario do seu asasinato o vindeiro ano 2025.

    Elvira Souto e Suso Seixo, portavoces da iniciativa, deron conta en rolda de prensa das actividades que se desenvolverán ao longo do ano 2025, para lembrar e poñer en valor a figura de Moncho Reboiras, militante nacionalista clave para comprender a evolución político-organizativa do nacionalismo galego entre 1969 e 1975.

    Ler máis...

  • Presentacións do libro "O nacionalismo galego na década dos 70"

    Novas

    Entre o 24 de outubro e o 7 de novembro, a Fundación Moncho Reboiras e a CIG desenvolverán presentacións do libro O nacionalismo galego na década dos 70. Volume colectivo no que participan doce dirixentes históricos do nacionalismo galego.

    A obra presentouse, a modo de primicia, o pasado Día da Patria no marco do FESTIGAL. Agora preséntase a obra nas cidades galegas. O primeiro acto celebrarase o xoves 24 de outubro en Pontevedra, no Centro Social do Gorgullón, por volta das 20h.  Intervirán no acto Suso Seixo, presidente da FMR, e Pilar Allegue, coautora da obra. 

     

    Ler máis...

  • 49º aniversario do asasinato de Xosé Ramón Reboiras Noia

    Novas

    Na madrugada do 12 de agosto de 1975 foi asasinado, na ferrolá rúa da Terra, Xosé Ramón, "Moncho", Reboiras Noia.

    Nacido en Imo (Dodro) en xaneiro de 1950, asentouse coa familia en Vigo, onde foi alumno de Xaime Seixas Subirá e cos anos, na Escola de Enxeñería Industrial , de Xaime Illa Couto, ambos militantes no tempo republicano de Ultreya e da Federación de Mocidades Galeguistas, afiliándose á Unión do Pobo Galego (UPG) no ano 1969. Desde a adolescencia faría causa do idioma galego e da súa orixe familiar obreira (así como labrega e mariñeira), destacando nos estudos pola súa seriedade, o seu compañeirismo e a súa capacidade como organizador (cofundando a revista estudantil Des...tornillo) .

    Ler máis...

  • Enxergar. Revista de Pensamento e Análise nº7

    Novas

    Editorial

    O sistema político-económico depredador no que vivimos é quen de pór o foco no conflito ruso-ucraniano, acusando a Rusia de crimes de guerra parello á integración na OTAN de Ucrania -país que, militar e politicamente, xa estaba a servir aos intereses desa organización satélite dos EE.UU.-, mentres o xenocidio que está a perpetrar o sionismo israelí sobre o pobo palestino xa pasou a un segundo plano nos medios de comunicación sistémicos.

    Ler máis...

  • Enxergar. Revista de Pensamento e Análise nº7

    Publicacións

    Editorial

    O sistema político-económico depredador no que vivimos é quen de pór o foco no conflito ruso-ucraniano, acusando a Rusia de crimes de guerra parello á integración na OTAN de Ucrania -país que, militar e politicamente, xa estaba a servir aos intereses desa organización satélite dos EE.UU.-, mentres o xenocidio que está a perpetrar o sionismo israelí sobre o pobo palestino xa pasou a un segundo plano nos medios de comunicación sistémicos.

    Ler máis...

  • Libro "O nacionalismo galego na década dos 70"

    Novas

    Desde a Fundación Moncho Reboiras e a Confederación Intersindical Galega vénse de publicar o libro "O nacionalismo galego na década dos  70". Un volume coordinado por Suso Seixo e Uxío-Breogán Diéguez, co que se pon en valor o esforzo militante que representou a articulación do frontismo nacionalista no devandito período. Tal e como se indica no libro, edítase esta obra coa intención de "pór en valor o enorme traballo de teorización e autoorganización ao que deu lugar o nacionalismo galego desde a segunda metade da década dos anos 60 do pasado século e que cristalizou na década dos anos setenta, dando lugar a unha forte mobilización social. Un esforzo que sentou as bases do nacionalismo galego nas seguintes décadas, até a actualidade, en todos os ámbitos".

    Ler máis...

  • Enxergar. Revista de Pensamento e Análise nº6

    Publicacións

    Editorial

    Coincide a edición deste número 6 da revista Enxergar cun contexto político moi crispado e belicista, a nivel do Estado Español e no mundo, reflexo da forte crise do sistema capitalista e das dificultades que teñen os seus mentores e beneficiarios para superar a mesma. Todo isto se está a pór de manifesto, entre outros aspectos, na promoción do auxe da extrema dereita, na perda total das aparencias por parte da dereita tradicional fomentando e xustificando a deterioración das institucións, os golpes de estado “brandos”, o xenocidio de pobos como o palestino ou mesmo guerras que obedecen exclusivamente á política militarista e de confronto promovida pola oligarquía anglosaxoa en defensa do seus intereses de clase xeoestratéxicos, hexemónicos e imperiais [...].

    Ler máis...

  • "A estrela que nos guía. O galego entre un pasado brillante e un incerto futuro"

    Novas

    A Fundación Moncho Reboiras edita o libro A estrela que nos guía. O galego entre un pasado brillante e un incerto futuro, da autoría do profesor emérito da Universidade da Coruña Xosé Ramón Freixeiro Mato. A obra presenta a evolución histórica da lingua galega, analizando a súa situación socio-lingüística actual e presentando liñas de actuación para darlle un novo impulso ao idioma propio da Galiza. Sinala o autor como:

     

    Ler máis...

  • Congreso Internacional "Traballo e Sindicalismo no século XXI"

    Novas

    O 28 de novembro do presente ano celebrarase en Leioa (Bizkaia, Euskal Herria) o Congreso Internacional "Traballo e Sindicalismo no século XXI", do que participa a Fundación Moncho Reboiras, xunto á Fundación Manu Robles-Arangiz (sindicato ELA, Euskal Herria); a Fundación Salvador Seguí (sindicato CGT, España); a Fundación Ipar Hegoa (sindicato LAB, Euskal Herria); e o Grup d’estudis (sindicato La Intersindical, Països Catalans). Até o 15 de abril pódense presentar propostas de comunicación, a partir de varias liñas temáticas.

    Máis información en: congresosindicalismo.wordpress.com

    Ler máis...

2026 · Fundación Moncho Reboiras para o estudo e a divulgación da realidade social e sindical na Galiza

Contacto

Política cookies |

Información legal |